Me moton “Qebapë për punëtorët, biftek për Qeverinë”, Konfederata e Sindikatave të Lira (KSL) mbajti marshin protestues në Shkup. Marshi filloi para zyrës së KSL-së dhe përfunduan para Qeverisë ku në mënyrë simbolike u ndoz edhe skara.
Përfaqësuesit e KSL-së përmendën rritjen e madhe të pagave për funksionarët.
“Kemi kërkesa për Qeverinë. Për pesë vjet i kemi të njëjtat kërkesa. Kërkojmë respektim të ligjeve, kërkesë për standard më të mirë jetësor, kërkojmë që të respektohet punëtori dhe puna e tij, kërkojmë rritje të pagave në përputhje të Ligjit për pagë minimale, kërkojmë K-15 sipas standardeve, kërkojmë zbatim të marrëveshjeve kolektive”, tha Zoran Antovski nga KSL.
Kujtojmë se edhe sivjet sindiktatat nuk ishin të bashkuara dhe kanë protesta të ndryshme.
