Tronditet Kina, Grekët ushtarët e perandorit të parë?

Kinezët janë shumë krenarë për të ashtuquajturën ”ushtria nëntokësore” e perandorit të tyre të parë. Por, kur një studiues perëndimor pretendon se këto skulptura mund të jenë ndikuar nga statujat greke, atëhere gjaku i bijve të dragoit fillon e zien.

Tetë mijë luftëtarët e ushtrisë në terrakotë zbuluar në Xian, në veri të Kinës duke nisur nga viti 1974, janë gardianët e perandorit të parë Qin, i cili vdiq në vitin 210 para Krishtit, pas bashkimit të vendit.

Qindra mijëra turistë vizitojnë çdo vit këtë qendër, pjesë e trashëgimisë së UNESCO-s.

Kinezët shohin aty një prej simboleve të civilizimit mijëvjeçar.

E thënë kështu se teoria e Lukas Nickel nuk kalon pa u vërejtur në Murin e Madh.

Dhe, sipas këtij specialisti të historisë së artit në Universitetin e Vjenës, skulpturat e Xian janë influencuar nga inovacionet e ardhura nga Greqia, veçanërisht natyralizmi i statujave.

Eksperti imagjinon madje se artizanët e ardhur nga Evropa kanë marrë pjesë në prodhimin e statujave për llogari të perandorit të Kinës.

“Mos ndoshta kinezët kanë shkuar tek grekët për të influencuar skulpturat e tyre?, thekson një përdorues interneti pas publikimit të një dokumentari të BBC për tezën e e profesorit Nickel.

Zhang Weixing, kreu i shërbimeve arkeologjike të muzeut është gjithashtu kategorik.

Materialet si teknika e përdorur për prodhimin e statujave janë autentikisht kineze.

Asgjë nuk mundëson që të kenë lidhje me Greqinë antike.

Kjo ekziston vetëm në mendjen e profesorit vjenez.

“Qin Shihuang, perandori i parë nuk kishte nevojë për grekët për të shpikur diçka. Përveç luftëtarëve të Xian, ai ka bërë dhe shpikje të tjera si standartizimi i peshave dhe masave dhe distancën e rrugëve, rrjetin rrugor, një monedhë unike, konsolidimin e Murit të Madh e tjerë”, nënvizon Zhang.

“Është e vështirë të thuash se kush ka influencuar këtu. Skulptura greke ka qenë e influencuar nga Egjipti”, thekosi ai.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu