Ministrat e 28 vendeve anëtare të BE-së kanë miratuar serinë e parë të sanksioneve kundër Turqisë përshkak që Turqia ka vazhduar kërkimet për naftë dhe gaz në ujërat e Qipros, me çka edhe zyrtarisht Ankaraja është përgjigjur se nuk do të tërhiqet nga aktivitetet e saja.
Shefat e diplomacisë së BE-së mbrëmjen e kaluar kanë njoftuar se do ti ndërpresin bisedimet me Turqinë në lidhje me Marrëveshjen e avio-komunikacionit, dhe do të kërkojnë nga Banka Investicionale Evropiane që të rishikojë huamarrjet që i jep Ankarasë dhe se vitin tjetër do të zvogëlohet ndihma për Turqinë, njofton agjencia e lajmeve AP.
Ministrat për punë të Jashtme kanë njoftuar se gjithashtu po punohet në masa shtesë për të sanksionuar Turqinë, e cila bisedimet për anëtarësim në BE i ka filluar qysh në vitin 2005.
Ministria turke e Punëve të Jashtme gjithashtu ka reaguar mbi vendimet e BE-së për të ndaluar kontaktet dhe financimin e Ankarasë, përshkak të kërkimi të saj për naftë dhe gaz në afërsi të bregdetit të Qipros, MPJ-ja turke ka shtuar duke thënë se mbi vendosmërinë turke për të kërkuar resurse energjetike nuk do të ndikojë asnjë masë sanksionimi.
