Kjo do të zgjidhë edhe dilemën nëse Aleancës për Shqiptarët do t’i merret Ministria e Shëndetësisë, për të cilën duket se ka pretendime LSDM, pasi dit më parë Kryeminsitri Zaev tha se ai post i ishte dhënë personalisht Arben Taravarit, i cili aktualisht është zgjedhur kryetar i Goistivarit.
Jozyrtarisht njoftohet se Aleancës do ti ofrohet posti i Zëvendës Kryeministrit për Reforma dhe zëvendësministri i shëndetësisë.
Ndërsa Ministri pa resor, i angazhuar për Investime të Huaja dhe posti i zv/Ministrit të Arsimit do të vazhdojnë ti takojnë BDI-së. Ashtu si edhe Ministria pa resor për integrimin e romëve, do të vazhdojë ti takojë përsëri partisë së Samka Ibrahimovskit, pasi ky i fundit kaloi në postin e deputetit.
Por lideri i Aleancës për Shqiptarët Ziadin Sela nga Amerika ka deklaruar se vendimin e tij për zhvillimet në qeveri do ta bëjë të njohur pasi Qeveria të çlirohet nga spinat dhe lojërat e ulëta.
Sela nuk ka precizuar nëse Aleanca do të mbetet në qeveri pa resorin Shëndetësi dhe nëse funksioni zv/kryeministër për reforma është i pranueshëm.
Por nëse Aleanca vendos të largohet nga Qeveria, jozurarisht thuhet se shumica parlamentare do të përkrahej nga PDSH, por edhe nga deputetët Çedomir Sazdovski dhe Amdi Bajram.
