Sekretari i përgjithshëm i VMRO-DPMNE-së Igor Janushev gjithashtu hoqi dorë nga shpenzimet e udhëtimit. Ai e publikoi këtë në profilin e tij në Fejsbuk – Personalisht, si deputet, nuk do t’i shfrytëzoj shpenzimet e udhëtimit, por më duhet të komentoj në lidhje me këtë nga LSDM, është e kotë heqja dorë nga shpenzimet e udhëtimit kur ju e vodhët shtetin dhe njerëzit”, ka shkruar Janushev në Fejsbuk.
Më herët sot, Sekretari i përgjithshëm i LSDM-së, Lupço Nikolovski në Tuiter publikoi se ai dhe kryetari i partisë Zoran Zaev nënshkruan deklarata për heqjen dorë nga mjetet që u takojnë në emër të shpenzimeve për rrugë.
“Shfuqizimi i shpenzimeve të rrugës për deputetët është premtim zgjedhor i LSDM-së. Që të japim shembull, dje së bashku me kryetarin e LSDM-së, Zoran Zaev, i nënshkruam deklaratat me të cilat unë dhe ai, zyrtarisht heqim dorë nga mjetet të cilat na takojnë në emër të shpenzimeve të rrugës”, theksoi Nikollovski në Tuiter.
