Udhëheqësi fetar iranian Ajatolah Ali Khamenei porositi se vendi i tij nuk do të negociojë me Shtetet e Bashkuara të Amerikës (SHBA) në asnjë nivel, transmeton Anadolu Agency (AA).
“Të gjithë zyrtarët në vend, nga presidenti deri te ministri i Jashtëm, porositën se do të jenë unik dhe nuk do të zhvillojnë takime bilaterale ose të nivelit të delegacionit me SHBA-të”, deklaroi Khamnei në Teheran, lajmëron agjencia iraniane IRNA.
Ai tha se presidenti amerikan, Donald Trump, po përpiqet t’i dëshmojë opozitës në vendin e tij dhe vendeve evropiane se “presioni maksimal është mënyra e vetme për të luftuar Iranin”.
Sipas Khameneit, në rast se Irani ulet në tryezë me SHBA-të, do të nënkuptonte se po përkul qafën përballë presioneve të Washingtonit, dhe për këtë arsye nuk do ta bëjë këtë.
“Nëse Shtetet e Bashkuara tërheq fjalën, pendohen dhe kthejnë marrëveshjen bërthamore që e shkelën, në këtë rast ata mund të marrin pjesë në negociata me vendet e tjera. Përndryshe, nuk do të ketë negociata midis zyrtarëve iranianë dhe amerikanë në New York ose kudo tjetër”, tha Khamenei.
