Sonte në RTV Dukagjini është transmetuar emisioni Zona Express, ku është shfaqur dokumentari “Vrasjet që tronditën Kosovën”.
Emisioni Zona Express, me autor Leonard Kerqukin, llogaritet të jetë emisioni më i shikuar shqiptar i këtij zhanri; si në bazë të matjeve televizive ashtu edhe në rrjetet sociale.
Sonte, ky emision transmeton një dokumentar ekskluziv, të titulluar “Vrasjet që tronditën Kosovën”.
Dokumentari rendit 5 vrasjet më monstruoze të ndodhura në Kosovë. Por njëkohësisht, përmes penalistëve të njohur, trajton edhe temën nëse duhet të kthehet dënimi me vdekje në vendin tonë.
Si e vrau e më pas e përdhunoi mbesën e tij vetëm 7 vjeçe Sinan Krasniqi? Çfarë thotë ai për këtë krim monstruoz? Kush është kosovari që e nxori vajzën e tij nga makina e më pas ia vrau nënën para syve? Si dhe pse tre të rinj e masakruan një boshnjak në një pyll të Obiliqit? Kush është gjilanasi që e ftoi viktimën në shtëpinë e tij, e me pas e vrau posa ai ia ktheu shpinën? Kush është kosovari i vetëm në ish-Jugosllavi që u ekzekutua? Çfarë krimi kishte bërë ai?
Përgjigjet e këtyre pyetjeve dhe shumë të tjerave mund t’i mësoni duke klikuar në videon e mëposhtme.
